DB STOCK BROKING COMPANY Rs. 7000 CRORE INBUMNA

DB STOCK BROKING Company Assam State a awm a ni a, kum 2018 khan Mr. Deepankar Barman a din hi a ni. Ani hian India ramchhung leh pawn Australia ram thleng ami tamtak a bum tih tarlan a ni a Rs. 7000 Crore tel a tling tih tarlan ani bawk.
Assam lamah chuan an Company Director Monalisa Das leh Bhisal Phukan a pung tamtak lo tiam thin tupa ber te chu an man tawh bawk niin alang a, mahse a neitupa ber Deepankar Barman erawh chu Australia ramah a tlanchhia niin an tarlang a ni. Chu mai piah lamah Assam lama milar then khat te pawh an telve niin thuthang te pawh a awm bawk niin an tarlang.

DB STOCK BROKING COMPANY hi ANGEL BROKING COMPANY hnuaia AUTHORISED PERSON nihna nei anni tih tarlan a ni. SECURITIES AND EXCHANGE BOARD OF INDIA dan hnuaiah chuan STOCK MARKET lam Investment ah chuan AUTHORISED PERSON nihna nei te hian a pung tiam zat pe in midang hi Investment an tihsak theilo tih a tarlang a, Demat Account an hawn pui thei a, chumi kaltlang chauh chuan Financial Market Investment lamah Authorised Person an neihna BROKING COMPANY te kaltlangin an pui thei chauh tih ani thin. Pung tiamzat an pe thianglo tawp tih ani bawk a ni.
DB STOCK BROKING COMPANY ten mi an bum dan tlangpui chu hetiang hi a ni,
1. An Company-a invest (peipung) te chu kum khatah 120% a pung an tiam thin a. Awmzia chu Rs. 1,00,000 an invest chuan Rs. 1,20,000 hi kum khatah a pung dawn tihna, a sumlu nen chuan Rs. 2,20,000 an lalet thei dawn tihna a ni.
2. Thlaruk (6 months) ah chuan 54% in a pung a tiam leh a, Rs. 1,00,000 hi thlaruk (6 months) chhungin Rs. 54,000 a pung dawn tihna ni. Thlaruk hnuah a sumlu nen chuan Rs. 1,54,000 an la let thei dawn tihna.
3. Thlathum (3 months) ah chuan 27% in a pung a tiam leh a, Rs. 1,00,000 hi thlathum (3 months) chhungin Rs. 27,000 a pung dawn tihna ni. Thlathum hnuah a sumlu nen chuan Rs. 1,27,000 an la let thei dawn tihna.
4. Thlatin (monthly) ah chuan 8% in a pung a tiam leh a, Rs. 1,00,000 hi thlatin Rs. 8000 a pung dawn tihna ni.

Hetiang hian mi tamtak a pung tiam zat an pe nasa thin hle mai a, hetiang kalphung hi Chhiahpuam (Ponzi Scheme) kan tih thin nen khan a in ang reng a ni. A pung an tiam zat hi an pe thei tawh hrihlo niin tarlan ani a, chu chuan an Company-a investor te chu ati thinrim hle tawh niin an tarlang, Assam-a an chenna hmuna awm Deepankar Barman a pa ngei pawh kut an thlak hial a ni.

A din tupa Deepankar Barman a chuan video hmang ten investor te chu an pawisa pung te chu SEPTEMBER 2024 ral hma ngeia pek ngei a tum thu te pawh a sawi niin tarlan ani a, mahse ani hi India ramchhungah a awm tawhlo niin an tarlang bawk.

SECURITIES AND EXCHANGE BOARD OF INDIA chuan ANGEL BROKING COMPANY pawh insawifiah turin thu a pe a ni.

Financial Market lama sum peipun dan kalhmang dik hi hriatthiam a ngai a, midang sawi ang apiang hi awih tur anilo. Mahni in hriatthiam hi a tul a, finfiah dan thiam te hi a pawimawh viau a ni.

Kan lo fimkhur zel dawn nia.