Engvangin nge Indian Rupee a tlakhniam hian Foreign Investor te atih phur loh thin?

1.(United States Dollar) USD1 = (Indian Rupees) IRS 70 lo ni ta se.

USD 1,00,000 hi Indian Stock Market ah alo peipung turin an dah dawn chuan  India pawisa a an chantir a ngai thin a chuan USD 1,00,000 chu Rs. 70,00,000 alo ni ta. Tichuan a peipunna atang chuan 20% hlawkna alo nei ta a, a sumlu nen chuan a hlawkna chu Rs. 84,00,000 alo dawn ta a. USD ah a chantir leh chuan Rs. 84,00,000 ÷ Rs. 70 = USD 1,20,000 tihna ni tawh ang. Chuan India pawisa chu Foreign pawisa chuan an chantir leh thin a ni.  Chu USD 1,00,000  chu USD 1,20,000 ani tawh anga 20% in a sumlu chu hlawkna a nei tihna ni.

2. USD 1 = RS 90 in alo tlahniam ta se,

Rs. 84,00,000 chu USD ah chantir leh hunah a hlutna a tlahniam ta daih dawn tihna ni hetiang hian Rs. 84,00,000 ÷ Rs. 90 =  USD 93,333.4 chauh hi alo ni tawh ang USD 1,00,000 peipung tura a dah a kha. A awmzia chu Rs. 70 ni thin khan USD lakah a hlutna a tlakhniam tak avangin USD 1 = Rs. 90 alo ni tawh avangin.

Indian Stock Market ah USD 1,00,000 peipung turah a dah chu 20% in a pung a USD 1,20,000 lai in pung, mahse Indian Rupee in a hlutna a hloh takah chuan USD 1,20,000 a peipun chu USD 93,333.4 chiah ani thung dawn tihna ni a India ramah hlawkna chu nei mahse an ram lamah chuan hlawkna a nei dawnlo tihna a ni.

Hetiang vang hian Foreign Investor te hian ram dangah an sum peipun na tur te hi an ram pawisa hlutna dinhmun a tha tawk em tih te an ngaihven nasa thin a, Ram Economy tha te chu an ram pawisa hlutna pawh a tlo thin tih an hriat avangin Ram Economy nei tha te chuan Foreign Investment an neih that phah thin a ni.