MARKET (Stock) MANIPULATION

Thu, 24 Apr 2025

Stock market ah hian company tamtak in an share lei leh hralh theih tura an zawrh lai hian Dan hnuia felfai taka kal tura ruahman a ni thin a, Stock/Share kan lei emaw kan hralh hian Dan hnuia kal vek ani thin a ni. Stock Market a pawisa chetkualna karah hian mahni hmasial vanga midang chhiatna pawh pawi sa lo hi an lo awm ve zel a, chung ho chuan an mahni hamthatna chiah an ngaihtuah naah hian company share an lei emaw kan hralh naah hian an tana hlawkna nasa taka a awm theihna turin company share man (price) chu chawh buai tumin Demand and Supply ti danglam in hma an la thin a, chu chu Market Manipulation ( mahni duh dana siksawi danglam) an ti thin a ni.

Market Manipulation thlen tir tute hi tarlan mai a har a, mahse a tlangpui chuan Company Promoters te, Broking Firm lian te, Investment Firm te leh Professional Investor ho te hi an ni duh hle thin a ni.

India ramah hian Securities and Exchange Board of India (SEBI) hian market manipulation thlen leh thlen loh hi a vil reng a, hremna dan pawh a nei a ni.

Market Manipulation hi chiang taka hriatthiam a har a, a tuartu tam ber chu Retail Investor te hi an ni zel a ni. SEBI pawh hian chiang takah finfiahna a neih loh hi chuan man chhuah hi a theih loh thin a, chuvangin Retail Investor tan hi chuan in ven thiam hi a ngai nasa hle thin a ni.

Market Manipulation hi a kalphung zawng zawng hi hriatthiam vek a har a, man chhuah sen pawh hi a nilo thin a, Retail Investor tan invenna tha ber kan neih chu Risk Management tha tak kan neih leh Company tha leh thalo kan hriatthiam nan a zir thiam hi a pawimawh hle a ni. Market Manipulation hi eng company ah pawh hian a thleng thei a, a bik takin Small Cap ho company ah te hian a thleng nasa duh hle a ni, volume nei tam lemlo te anni duh hle thin bawk a ni.

Market Manipulation hian abik takin Short Term Investor, Day Trader, Swing Trader te hi a nghawng duh viau a, mahse Long Term Investor ho tan hi chuan hlauhthawn awm lutuk ani lo thin. Company hriatchian loh leh zirchhian loh hi Trade loh hram a tha a, hei hi Market Manipulation lakah in ven dan tha tak a ni bawk a ni.

Market Manipulation ah hian chi hrang hrang a awm a hetiang hian,

1.      Pump and Dump:

2.     Poop and Scoop:

 Hei hi chu pump and dump letling thawk kha ni a, hetah ve thung hi chuan tu emawin Company pakhat chungchangah thu thar thalo vawrh darh in chu company share price chu nasa tlak tir an tum tihna a ni. Chu thu thalo chuan company a investor ho chu an share hralh phah nan te an lo hmang thin a, tamtak in an hralh na lamah company share price chu tlawm takin a awm dawn tihna a ni a, chutah tak chuan chu thu thalo theh darhtu chuan hun remchangah la in chu company share man chu tlawm takin alo lei ta thin a ni.

3.     Painting the Tape (Ramping/Run):

 Hei hi pump and dump ang deuh hlek ani a, hetah ve thung hi chuan mi enge zat in thurualin pawl anga awm in company pakhat an thlurbing thin, company share price leh volume chu  mipui tamtak in an ngaihven awm ang taka a lan theihnan lei leh hralh in an siksawi kual ta a, chutah chuan tamtak in a chet dan an rawn hmuh in a chet danah beiseina an rawn nei thin ta a, tamtak chuan an rawn lei veleh company share price chu a rawn san ta vak mai a chutia a san veleh chuan lo in thurual ho chuan an hralh leh ta vak thin a, tamtak chuan pawisa an chan phah ta thin a ni.

4.     Wash Trading:

 Hei hi Painting the Tape nen in ann deuh a nei a, hetah ve thung hi chuan pawl ana awm tawh lovin mimal in company pakhat chu a bei ta thin a, chu company share chu lei leh hralh nasa taka kalpuiin mi dang hip tam theihna tura a lan theihnan nasa tak a ti chekual ta thin a, price leh volume, tamtak in an rawn lei veleh a man san lai takin hralhna hun remchangah alo hman leh ta thin a ni.

5.     Insider Trading:

 Hei hi chu a dan a dang leh deuha, mipui bum tumna lam ai mahin, company chungchang a thuruk alo hriat chu hman tangkai alo tum thin a ni, thu tha emaw thu chhia pawh chuan chu company share chu danglamna nasa tak a thlen thei dawn anih tih alo hriatlawk  avang chuan company share chu lo lei vatin hlawkna lo tel teuh a tum thin a ni.

6.     Bear Raiding:

 Hemi kalphung hi Poop and Scoop ang deuh a ni a, hetah hi chuan mi tamtak in thurual emaw mimal pawhin a thleng thei a, an tum berah chuan company share price chu nasa taka hralh sak in a company share man chu hniam taka dah sak an tum ta thin a ni.

7.     Cornering The Market:

 He kalphung hi chu a rum khawp mai a, hetah hi chuan mimal emaw pawl pawhin an che thin a, Commodity, Forex, leh Stock ah hian a thleng thei vek a ni. Company share chu nasa takin an lei a chutah chuan company share tam leh tlem dan chu thunun an tum ta thin a, hei hian company share man chu an duh danin an thunun ta thin a ni.

8.     Churning:

 He thil hi chu Broker leh Sub-Broker ho hian an hmang thin a, market tih danglam tum ai mahin brokerage commission siam an tum na lamah company share man ngaiah lei leh hralh nasa takin an kalpui thin a, hemi karah hian tam takin company share chu tha turah ngaiin an lo lei phah ta thin a, an rin lo zawng takin a kal leh thin a, a sang lamah a kei lait e hian Brokers ho hian in hralh thlawna remchangah an lo hman thin a ni.

9.     Short Squeeze:

Hemi awmzia ah chuan Institution emaw Professional ho in nasa takin Company pakhat stock chu an hralh vak a (shorting) nasa takin company share price chu a tla ta vak thin, mahse chan loh khanah tu ten emaw chu company stock chu a lei lamah tan an rawn la thut mai a chu chuan company share man chu rawn ti sang ta vak mai a, short lama tan lo la ho chu a barakaih ta thin a, an short naah chuan channa nasa tak nen an tang ta thin a, an in rin loh laiin company share man chu rawn sang ta vak chuan channa nasa tak nen a tlanchhiat tir ta thin a ni.