MARKET THLIRNA 21 SEPTEMBER 2024

INDIAN STOCK MARKET NIFTY 50 HIAN ALL TIME HIGH A THLENG LEH DER TAWH MAI...!

EXPONENTIAL MOVING AVERAGE (EMA) HIAN THLIR HO TEH ANG?
India Market Nifty 50 hi a Bullish hle a ni. Kumin 2024 Nifty 50 Daily Chart hi EMA (Exponential Moving Average hmang hian kan han thlir chuan a hawi zawng hi a lang chiang khawp mai a, Bullish Trend a nei tih a tarlang a ni. 50, 100 leh 200 EMA hmang hian a trend awm dan chu a lang chiang viau a ni.
50 EMA hi vawi khat mah 100 EMA hnuai lamah a awm lo a, 100 EMA phei chuan 200 EMA hnuai lamah a awm theihna turin a buk a chhe hle tih a lang bawk. Kum 2024 hian Nifty 50 Price hian 200 EMA  vawikhat chu a si ve zuia a hei hi Election Result puan ni kha a ni, hei bak hi 200 EMA lam hi a hnaih tawh lo hrim hrim a ni. 100 EMA hi vawi hniah chiah a si bawk a. 50 EMA hi chu First Line of Defence (Support) anih angin kum 2024 chuan vawi 5 lai chu a si tawh a a hnuhnung ber August thlatir lama mi phei hi chu a pawp tawh tura ngaih kha ani deuh a, mahse dawmtu (Support) tha tak ani tih leh First Line of Defence anih zia alo tarlang leh ta a ni.

ANIH CHUAN ENGTINGE NI ZEL DAWN?

Ni e Market kal zel dan tur hi hriat lawk te hi a har thin khawp mai a, bukna leh tehna hrang hrang atang thlir hian rin dan leh a tarlan dan hi chu a buk rit lam zawng hi kan hmu ve thei a. 

Tuna EMA atang kan han thlir chuan 50, 100 leh 200 EMA ho inkar hi a zau tan tulh tulh mai bawk a (Expansion phase) ah awm mek a, hetiang a awm hian engtikah emaw chuan an in hnaih leh dual thin (Contraction Phase) chutiang chu a thlen hunah chuan Nifty 50 price te hi hniam lam rawn pan thei anih thin vangin EMA dinhmun hriatthiam hi alo pawimawh viau a ni. 50 EMA chungah Nifty 50 hi ala awm tlat mai si a, Market hi san lam pan theihna buk chu ala rit deuh tih a lang a ni. Market ala Bullish hle tih a hriat theih a ni. 100 EMA leh 200 EMA phei chu sawi lan ngaihna pawh ala awm hrih lo a ni ber. Mahse hetiang a Nifty 50 price in 50 EMA lam a kalsan vang vang tawh chuan EMA lam hawi sik leh hun (MEAN REVERSION) awm theihna hi a buk hi alo rit veleh bawk thin a, a, a bik takain 50 EMA hi First Line of Defence alo nih angin Mean Reversion a awm chuan a pawimawh hmasa ber dawn tihna alo ni leh dawn a ni. 50 EMA hian alo dawm zo talo anih chuan 100 EMA lam te pawh a thlen thlak theihna hi alo awm veleh zel thin. 100 EMA hian alo dawm zolo palh ani bawk chuan 200 hi kan thleng thei dawn alo ni leh a, 200 EMA a thlen thlak chuan Nifty 50 hian Correction / Pullback na tak a nei ngei tura ngaih ani tawh bawk ang.

CHET LAK HUN ANI DAWN EM?

Thlirna tlang in an lohna avang hian chet lak duh tlat te tan chuan mahni thu a chet lak mai hi a tha ber a, mahse EMA hmanga kan han thlir danah hi chuan nghah hrih te hi a fuh zawk angem tih te pawh ngaihtuahna tha a ni zawkin kan hria a ni. Market hi san hun a nei a, hniam hun a nei leh bawk a, man to laia lei ai chuan man tlawm laia lei te hi a fuh zawk thin bawk. Tunah chuan 50 EMA leh 100 EMA inkar te hi duhthusam chuan len den na tur tha tak ni te pawhin thlirna a awm thei. Engpawh nise, 50, 100, 200 EMA bawr velah chet kan lo la hman lo anih chuan han nghah leh hret te chu a finthlak deuh turah kan ngai a ni.


THLIRNA HRANG HRANG A AWM A, TEHFAWNG HRANG HRANG HMANGA THLIR TE PAWH HI A THA BAWK A NI.  FIMKHUR TAKA THLIR HUN ANI TIH ERAWH HRIAT A THA E.