MARKET THLIRNA 29 SEPTEMBER 2024

NIFTY 50 SEPTEMBER PRICE TREND (1 HOUR TIMEFRAME)

September thla NIFTY 50 Trend hi Exponential Moving Average hmanga kan han thlir chuan Pullback trap nalh zet mai atang hian a rawn in vawrh chho leh tih a lang chiang. 200 EMA 1 hour ah hian dawmtu pawimawh (Major Support) a nei tihna niin a lang bawk. Tuna lan danah chuan Trend hi ala Bullish hrih khawp mai a, mahse fimkhur erawh a hun tawh tih a hriat theih a, a chhanchu Mean Reversion kalphung hi an zawm thin vang a ni. October thla lamah hi chuan Price correction te hi a beisei awm deuh tawh niin a lang a, sawi lawk erawh a theih loh a ni. 

FOREIGN INVESTOR LEH DOMESTIC INVESTOR

Foreign Institutional Investor (FII) lam hian September thla hian Rs. 25000 Crore man hu chu an lei tih a lang bawk. Domestic Institutional Investor (DII) lam hian Rs. 25000 Crore man hu chu an lei bawk a, hetah hian Mutual Fund lam hi an tam ber ni turah a ngaih theih a ni. 

ECONOMIC DATA PAWIMAWH

United States lam hi kan hmuh theih chinah an Inflation buaina lam chu ziaawm lam a pan zel niin a lang hrih a, CPI leh CORE PCE Data atang lan dan phei chuan Inflation lam chu hniam lam a pan zel niin a lang. Hei hian United States lam chu Federal Bank Interest Rate tihhniam zel theihna chhan tur pawh nasa takin a tarlang hrih a ni. India bikah pawh Inflation hi a hniam zel a, October RBI thuchhuak ah chuan Interest Rate an tihhniam ngei pawh riin a lian viau bawk a ni. Heng avang te hian Market hian alo lawm lawk ni ngeiin a lang bawk a ni.

GEOPOLITICAL BUAINA

Khawvel pumpui chuan Israel buaina hi an thlir thup mai a, tuna kal zel danah hi chuan Financial Market hian hlauhna tur ala hmulo niin a lang. Buaina punlun dan tur erawh chu thlirn ani reng a, Market hian phawklek nachhan tur a hmuh vaih chuan correction rawn thlen tir theitu pakhat ani thei bawk. Israel buaina hian Gold hi a nawr sang zel tih a lang a, Oil man pawh san lam rawn pan thei turin a siam tan mek niin a lang. 

KHAIKHAWMNA

Heng kan han thlirna atanga lan dan chuan Market hi a sang chak lutuk tih hi kan hmuh dan a ni a, market hi um loh a him hrih niin kan hria a ni, hlawkna venhim te a hun tan tawh a, hlawkna um tum erawh a fuh lo ang. Pullback / Correction hi mumal tak nghah a fuh hrih tawh zawk niin a lang.