MARKET THLIRNA 5 OCTOBER 2024

October thla kan han kai meuh chuan Nifty 50 in -4.8% laiin hniam lam a pan te der mai. Tunah hian Daily Timeframe ah 50 EMA ah a cham hrih tih a lang bawk.

ENGVANGIN NGE MARKET HIAN HNIAM LAM A PAN ?

Indian Market hian san lam a pan rei tawh khawp mai a, mumal taka han chawlh hahdam hi ala nei manglo a ni. Tunah chuan chawlh hahdam nachhan tur a hmu ta niin a lang. A chhan chiang taka tarlan theih chu ISRAEL leh IRAN buaina hi a ni. Tunah hian an la in vau nasa khawp mai a, buaina hi a punlun zel anih chuan Market hian hniam lam a pan zel a rinawm khawp mai.

ENGTINGE NI ZEL DAWN ?

Sawilawk tum hi chu thil tih loh tawp tur ani a Financial Market ah hi chuan, tunah chuan Nifty 50 hian Pullback/Correction a nei tan mek tih a hmuh theih a, Primary Trend chu ala Bullish khawp mai a, Secondary Trend chu a in tan mek niin kan ngai bawk. 50 EMA hi dawmtu hmasa ber anga kan ngaih hian a dawm zolo anih chuan 100 EMA hi ngaihchan leh turin kan ngai a, 200 EMA hi chu dawmtu hnuhnung ber ni turah kan ngai a ni.

FII LEH DII DINHMUN ENGE ?

Kan hmuh theih chhinah October thla hian FII lam hian 30,000 Crore vel chu an in hralh thawl tawh a, DII lam chuan 24000 Crore velin India Market dawm an lo la tum ve zel tih a lang. Hemi avang hian India Market chuan hniam lam a pan a ni.

LONG TERM INVESTOR vs SHORT TERM INVESTOR TE TAN ENGTINGE ?

Kum tam tak thlir tan chuan Stock Market tlawm laia sum peipunna rilru put hi tih dan tha ani a, chuvang chuan Company tha leh tlo peipunna tur te chu zirchian a hun hle a ni. Kumkhua in Market hian hniam lan a pan reng dawn lo tih hriat a tha a ni.

Short term thlir tan chuan engchin atanga chet lak tur nge tih hriatthiam a ngai hle a ni. uluk taka thlir zui a, Risk Reward that na tur lai atang chet lak a tha ber zel dawn a ni, kan thlir na atang chuan 50, 100, 200 EMA bawr ho hi a tha turah kan ngai a ni.

HRIATTUR PAWIMAWH

Stock Market lamah sum kan peipun dawn chuan hriatthiamna neih hmasak a tha, channa leh hlawkna awm theih dan hriatthiam te a tha bawk. Huasak thut tumna avanga luhchilh loh a tha. Long Term thlir chunga chet lak hi a tha ber a, company tha zirchian dan te hriatthiam a tha bawk thin. 

Kan lo fimkhur tlang zel dawn nia.