NIFTY 50 DINHMUN SEPTEMBER 13 2024

SEPTEMBER 13 2024

September thla lai hawl kan thlen meuh chuan NIFTY 50 bungthar a kai leh der ta mai. Price level pawimawh kan tarlan na atang lan dan chuan thla hmasa August san lai ber *25268.35* pawh a sutlang leh ta der mai a, *24924.69* level ah hian dawmtu (Support) a nei tha viau a tih a lang a ni.

 *ENGVANGIN NGE MARKET HIAN SAN LAM A PAN*

 1. Khawvel pum market hian United States Federal Bank in Interest rate an tih hniam rinna a lian thawkhat tawh tih a lang, a chhan chu United States ah hian an Inflation rate 2.9 atang 2.5 ah tlahniam tawh a, US FED in 2% level an duhna takah a awm thei tep tawh a ni.

 2. India bik pawh Inflation rate hi 4% a awm tura an duhna chu 3.65% ah a tlahniam nasa tawh bawk a, chu chuan Interest Rate tihniam an rinna a lian bawk a ni.

 3. FII leh DII lam hian Indian Stock Market lamah September thla hian an lei nasa tih a lang bawk a ni.

 Heng hi tunlai Global Stock Market chuan a thlir mek a ni ber a, a lawm zawng tak Macro Data hi a hmu niin a lang. *ENGTINGE NI ZEL ANG* September thla ah hian Nifty hian dawmtu pawimawh (Major Support) a neihna tura rinawm ta chu Price level *24924.69* hi ani anga. Dawmtu hnaivai (Minor Support) chu price level *25268.35* hi a rinawm turah ngaih ani bawk. Heng Dawmtu pawimawh leh Dawmtu hnaivai te hi risk reward that na lai tura ngaih ani tawh hrih dawn a ni. Market hi um loh tur a ni a, Buy on Dips kalphung zawm a fuh zawk turah kan ngai. Long Term thlir a portfolio lo siam tawh te tan chuan Market san lam a pan na chu hahdam takin a pung ve turah ngaih a ni anga, Short term thlir tan chuan lei hun tha ani tawh hrih lo niin kan hmu a, Buy on Dips a fuh turah kan ngai a ni. Fimkhur erawh a tha hrih viau e.