TUNLAI MARKET DINHMUN 17 AUGUST 2024

GLOBAL ECONOMY 

Economic Factor hian Market in siksawi dan tur hi nasa takin a nghawng thin a, tunlai Global Economy International Monitory Fund in a hmuh dan chuan ram hrang hranga Inflation hian hniam lam a pan zel a chu chuan Central Bank ho in Interest Rate tih hniam in a chhunzawm deuh zel niin a tarlang a ni. Hei hi thu lawmawm lam ani deuh a ni. United States lam hi tunhnia ah pawh Inflation hniam lam a pan zel tih a lang a, hei hi US Fed  lamin interest rate an tihhniam na chhan tur a tarlang zel a, chu mai bakah Interest Rate hi ati hniam vat lo anih phei chuan an Economy thanna tur ati thuanawp thei tih a hre chiang hle bawk a ni Unemployment Data leh ISM Manufacturing PMI Data atang te hian. United States ber hian Interest Rate atih hniam chuan khawvel pum hian an zui a rinawm bawk a ni.

India dinhmun ah pawh Inflation Data thar berah chuan namen lo in hnaim lam a pan a RBI an an lo tinzawn 4% level aia hniamah a awm tawh bawk a ni. Hei hian RBI chu Interest Rate tihniam turin a nawr dawn ngei niin a ngaih theih bawk. India GDP chuan hniam lam a pan hret a, mahse dinhmun tha ah ala awm viau niin a ngaih thei a Unemployment Data en chuan san lam rawn pan a tum deuh pawh niin a lang bawk.

TECHNICAL THLIRNA 

India Market Trend hi kan thlir chuan Bullish Trend ah kan la awm zel a, tunah hian Pullback/Correction kan nei mek bawk a ni. 4% vel chu Correction kan nei ve tawh a ni. Nifty 50 phei chu tunah hian Support level (Previous 6 months high) ah ala cham mek a, weekly 10 EMA ah nen hian dawmtu ala nei tha niin a lang. Dawmtu (Support level) tha anih chuan heta tang hian san lam kan pan leh thei bawk a ni. Risk Reward level pawh a that na lai ani ve tho bawk a ni.

NGAIHDAN

Tundinhmun ah chuan Market hi chet dan tur hi thlir thiam a har hrih a, tun quarter hi chun khamphei pawhin a chet hrih te pawh a rinawm a chhanchhu DII lam chauh hian India Market ah hian a lei lam hna an thawk a, FII lam hian a hralh lam an bei char char thung bawk si a. United States inthlan te ala awm dawn bawk nen chumi thu leh hla chu khawvel hian a thlir deuh hrih tawh dawn niin a lang bawk. Chiang takin market hian a hriat duh a hriat hunah chuan san lam emaw hniam lam kan pan chhunzawm a rinawm a ni.