CPI (CONSUMER PRICE INDEX) vs CORE PCE (PERSONAL CONSUMPTION EXPENDITURE INDEX)

CPI (Consumer Price Index) hi eng nge ni?

CPI hian nitin thil (ei leh in, thawmhnaw, tui alh thei) man hi inthlak danglam dan a tarlang thin. Tlawm lam a pan nge To lam a pan tih tehna a ni. Nunphungah thil man to dan a tarlang a ni ber. Hun reilo te chhunga thil man in thlak danglam thin hi tarlan a tum ber a ni.

 Entirna:

Nikum khan Maggie packet khat lei nan Rs. 10 a ni a, kuminah chuan Rs. 12 a ni anih chuan CPI hi 20 % zetin a sang tihna ni.

Sum Peipunna (Investment) atana hman dan:

CPI a san chuan (inflation) thil a man a to tihna ni a. Hei hian sumdawng te tan an bungraw man ati to thin a chu chuan an thil siam chhuah man ati to leh ta thin bawk chuvang chuan an thil siamchhuah hralh na kawngah leh an hlawk theihna tur pawh nasa takin a pawt hniam ta thin a ni.

 Inflation san lai pawha company hlawkna la neih tha reng thei te chu sum peipunna atan chuan an rintlak hle thin, ei leh in company (FMCG) emaw healthcare company ang chi emaw, rangkachak (GOLD) angah te hian sum peipun nan a tha thin a ni.  

 

CORE PCE (Personal Consumption Expenditures Index) hi eng nge ni?

Core PCE hi CPI nen a inang a, mahse thil man nasa taka in thlak nasa ang chi, ei leh in leh tui alh thei (Fuel) ang chi man hi a chhut naah a ngaihthah ve thung a ni. Hun rei lote chhunga man in thlak thleng zung zung lam aiin hun rei lama thil man san emaw hniam dan a tarlan deuh zawk a ni.

Entirna:

Vawiin hian buhfai man sang ta vak se Core PCE hian chu chu a chhiar te lo ang. Chu ai chuan inflation kalphung chiang zawka hriat theih nan thil man danglam vak lo,  inluah man (rent) emaw Hospital awm man emaw ang chi te a atang hian a chhut zawk thin a ni.

Sum Peipunna (Investment) atana hman dan:

CORE PCE hi a pawimawh a, a chhan chu central bank (RBI emaw U.S. Fed ang chi) te chuan interest rate tihsan leh tihhniam loh tur chungchangah an hmang thin.

CORE PCE a san chuan central bank in economy a thil man to ven nan interest rate a tisang thei a, hei hian loan lak man te ati to thei a, company lam te pawhin pawisa puk te an hlauh phah thin pawisa chevel a tlem chuan Company Stock te chu hniam lam an pan thei thin. Chutiang anih  avang chuan bonds emaw fixed deposit ah te an sumlu te an dah ta zawk thin.

 Sumlu Peipunna kawnga CPI leh CORE PCE kan Ngaihven nachhan tur:

1. Inflation (CPI): Thil man sang chho zel hian company te tan in senso na tur ati sang zawk tihna a, hei hian an hlawkna a tichhe thei a ni. Inflation avanga harsatna tawk ve lo sector-ah kan peipun a tha duh zawk thin FMCG leh HEALTHCARE  anga te hian.

2. Interest Rates (CORE PCE): CORE PCE a san chuan central bank hian interest rate a tisang thei a, hei hian bonds lam te a punna ati tha zawk thin, Equity Market lam chu hniam lam an pan duh thin zawk avangin sumlu peipunna tur atan an duh lo thin.

KHAIKHAWMNA

CPI leh  CORE (PCE) te hi tehfawng pakhat ve mai anni a mahse pawimawh na an nei sang a ni. Khawi hmunah pawh Sumlu peipun dawn chuan heng Economy dinhmun hriatthiamna hian nasa takin kan thuthlukna siamna turah min pui thei  a ni.