INFLATION HI ENGVANGA THLENG THIN NGE?

1.   Demand-Pull Inflation.

Demand-pull inflation awmzia chu thil emaw service demand (mamawhna) tam lutuk vanga awm a ni thin, chu mamawhna sang lutuk chu a phuhrukna tur supply a tlem thin vang hian Inflation hi a sang thin a ni. 

Entirna:

Bazar-na hmun bul hnaia inluah man to lutuk te hi a chhan chu bazar bawra inluah duh an tam lutuk vang a ni, mamawhtu an tam si inluah tur a tlem si, hei hian inluah man chu ati to tual tual ta thin a ni.

 

2.   Cost-Push Inflation:

Cost-push inflation awmzia chu thil siam chhuahna emaw zawrchhuah atana senso a san hian sumdawng te chuan an thil zawrchhuah an tih to phah thin a ni.

Entirna:

Tui alh thei man a to hian loneituten an tractor atan leh an khawl hman tur hrang hrang ah tui alh thei an lo mamawh thin, delivery company-te pawhin ei tur dawr hrang hranga pekchhuah nan tui alh thei an mamawh bawk a, tui alh thei a to chuan heng loneitute leh delivery company te hian man an tih to phah vek thin a ni.

3.   Built-In Inflation.

Built-in inflation awmzia chu miten thil man a san zel an beiseina avangin hlawh sang zawk an phut thin a, sumdawngte chuan hlawh tihpun chu a phuhruk nan an thil man an tisang veleh thin a ni.

Entirna :

Thil man sang zel karah Company a hnathawk te chuan thil man san dan mila an hlawh tih pun an ngiat thin a, chu chuan company te thil zawrh chhuah lamah a man an tih san alo ngai veleh thung ta thin a ni.

 

4.   External Shock:

External shock awmzia chu economy pawn lam atanga thil beisei loh tak lo thleng thin hi, hetiang hian thil emaw service lam supply ah tih buai thin avang hian inflation hi a thleng thin a ni.

Entirna:

Rin loh taka natna hri leng thut ang te, khaurel chhiatna lo thleng te leh indona avang te hian supply chain lamah hian buaina a thlen thin a mamawh a san thin avangin thil man te a san nasat phah thin a ni.