MARKET THLIRNA 17 NOVEMBER 2024

TECHNICAL ANALYSIS

Karhmasa lama kan thlir danah kha chuan NIFTY 50 kha SELL ON RISE ani thei e kan tih tawh kha. Tunkar market chet dan kha SELL ON RISE in a kal anih kha. Major Support (Dawmtu pawimawh) awm na turah kan rin Previous 6 months high leh Previous 3 Months Low a tlang tawh a, tunah hian 200 EMA DAILY ah ala tang mek a ni. Nifty 50 hian -10.62% Correction a nei tawh a ni.

Anih chuan engtinnge ni zel dawn?

Market hi eng chen nge hniam lam a pan dawn tih kan hretheilo mahse Technial Indicators hrang hrang atanga kan thlir chuan Nifty hi Bearish lam signal hi ala tam khawp mai a, TREND PUI inthlak tur in tham te pawh a ang lek lek tawh a ni. 200 EMA DAILY area leh Previous 6 Months High - Median = Median price area 23414.80 hi enthlak leh tur atana pawimawh ani tawh ang. EMA lamah chuan 200 EMA DAILY hi last Line of Defence kan tih tawh kha ni a, hei hian a dawm thei tawhlo anih chuan 50 EMA WEEKLY hi kan ngaichang tawh dawn a ni. Tichuan Price Support area ah chuan 23414.80 hi kan ngaichang anga EMA lamah chuan 200 EMA DAILY leh 50 EMA DAILY hi kan ngaichan tawh dawn tihna ni. INDICATORS hrang hrang ADX, MACD, RSI hmanga tehna kan han siam leh lan dan chuan BEARISH lam buk hi ala rit hrih deuh vek a ni.

FUNDAMENTAL ANALYSIS

UNITED STATES lam boruak enge?

US lamah chuan Inflation thuthar a awm a, a lan dan chuan Inflation chu 2.4% atang 2.6% a sang hlek a, FED Chairman chuan Inflation chu rawn sang leh thei anih avangin Interest Rate tihhniam vak vak pawh a fuh lo tiin tuchhuah a nei bawk a ni. Hei hian Friday US  Market kha a barakhaih ve deuh niin a lang a, US Market pawh pullback a nei tan deuh niin a lang.

US President inthlak tur pawhin Stock Market lamah nasa takin insiam remna a thlen tir tan turah ngaih a ni bawk.

CHINA lam boruak?

China lam Housing Market (Real Estate Sector) lamah buaina hi a lian hrih khawp mai a, Debt Burden (Ba tam lutuk) vangin an Bank leh Real Estate Company tamtak chu harsatna tawk thei dinhmunah an ding mek tih an tarlang bawk a, hei hian Asia lam chu eng ang takin nge a nghawng dawn hriat ala har hrih deuh a, chu mai bakah China Sawrkar hian an BANK leh REAL ESTATE Company hrang hrang te chu a chhanchhuak dawn em tih te pawh khawvel ngaihchan ani hrih bawk. 

INDIA lam?

India hian tuna harsatna a nei lian ber chu FII ho an in hralh nasa lutuk hi ani ber a, DII lam chuan an kei reng thung a, mahse market an dawm zo tawh lo ani ber. Indian Rupee lam chuan hniam lam a pan zel bawk si a, RBI lam erawh chuan Indian Rupee tihsan tumin chet lakna an la nei hrih lo bawk. Hei hi tunah chuan thil pawimawh tak ani hrih. India Inflation chu sang zawngin a awm hrih bawk a, san lam pan zel thei ani tih te an la puang a, mahse FOOD inflation lam hian hniam lam a pan chuan hmasawn na tha tak ani thei bawk.

Indian Company hrang hrang in Result an la puanh chhunzawm zel a, a khaikhawm in Company tam zawk hian result tha an nei dawn em tih te pawh ngaihchan zel ani hrih. Market han sawi danglam thei tur thil erawh ala awm lo a ni.

KHAIKHAWMNA

Techncial lan dan atang chuan BEARISH lam hi kan la awm zel hrih chu ani a, Fundamental lam thlirna atang pawh chuan Market hian an phurna em em tur hi ala hmulo bawk a ni. 

Market hi hlauhna hian a man tan niin a lang a, Short Term Traders leh Investor tan chuan Bullish lama chet lak dan tur chu a vang hrih deuh dawn a ni, Bearish lam zawngah chet lak ala fuh zel hrih turah kan ngai a ni. Long Term Thlir tan chuan Technical lamah tan lak a theih loh anga Fundamental lam atang tinzawn zel a fuh turah ngaih a ni bawk.