MARKET THLIRNA 27 OCTOBER 2024

INDIA MARKET TECHNICAL ATANG THLIRNA

Nifty 50 atang hian han thlir te la ila, tunah hian DAILY 100 EMA hian a dawm tawh lo tih a lang tan a, Second Line of Defence anga kan ngaih thin a ni 100 EMA hi, Bullish Trend ah 100 EMA hian a dawm thei tawh lo anih chuan Major Structural (BULLISH TREND STRUCTURE) tih danglam a awm thei tawh dawn emawnile tih zawhna a awm tawh a ni. Tunah chuan DAILY 200 EMA hi LAST line of Defence for the BULLS tih a ni tawh. Tunah hian thlathum kalta hniam lai ber (Previous 3 Months Low) Pirce level 23893.70 kan thleng tep tawh bawk. Tichuan Price level pawimawh DAILY 200 EMA leh Previous 3 months Low - 23893.70 hi kan ngaichang tawh dawn tihna ni. ALL TIME HIGH - 26277.35 atang hian -8.4% in market hian PULLBACK a nei tawh bawk.

FUNDAMENTAL LAM ATANG THLIRNA

Geopolitics buaina ala punlun zel - Israel leh Iran chu an in kap thar leh bawk a, buaina hi a punlun zel hrih a, hei hian Market tan thil tha a thlen lo tluang zel chu a ni e. 

United State Election - November ah US an in thlang dawn a, hei hian khawvel pumpui ngaihven ani bawk a, Emerging  Market tan nghawng thui tak a neih dawn avangin phawk lekna hian a man tan pawh anih hmel bawk.

Macro Data - India bikah chuan market han sawinghing em em tur thil thleng kha a awm lem lo a ni. Mahse India chu Inflation sang leh thut hian a rawn barakhaih deuh a ni. India pawisa hlutna pawh a tlahniam tulh tulh mai bawk si a, hei hian Foreign Investor te a ti buai deuh bawk a ni.

FII leh DII - Kar hmasa khan FII lam hian 20000 Cr bawr vel an hralh a, tun October thla bikah chuan 1 lakh Cr an hralh tawh bawk, DII lam hian 22000 Cr an lei ve thung a kar hmasa khan, mahse market an dawm zolo a ni.

KHAIKHAWMNA

Tunlai India Market chu Fundamental Factor lam hian a nghawng deuh a, chu chu Systematic Risk lam anih tawh avangin Technical lam hian kawng a su thei vak hrih a ni. 

Long Term Thlir tan chuan Company tha ho pawn an man a tlawm leh tan tawh tihna ni a, tun hun ang hi ani Investment Opportunity zawn hun chu. Company chhungril tha leh thalo pawh thlir a hun tawh viau bawk. 

Short Term thlir tan chuan Risk ala sang deuh hrih a, Hedging kalphung te kan la thiam lo anih chuan cash a awm hrih pawh a pawilo ang, market reversal a neih hunah chet lak pawh a fuh zawk ang.

Systematic Risk factor (kan thunun thei bak) a lian hrih viau mai a, hei hian market a khalh kawi hrih a ni, Bad news hian market ala deng chhunzawm zel mai a ni.

Market hian 10% Correction hi a neih theihna buk pawh ala risk viau mai a, Risk Reward thatna tur area pawh a rawn in herchhuak dawn tih hriat a tha bawk e.

FIMKHUR TAKIN KAN THLIR ZEL DAWN NIA